BABY CANDY, BONITHA, WACHANGANYA MITUNGI, WALEWA TILALILA

 
Na Shakoor Jongo
VIDEO Queen ambaye ni maarufu kwa jina la Halima ‘Baby Candy’ na mjasiriamali Bonitha, walinaswa wakichanganya vinywaji vikali vilivyosababisha walewe  tilalila ndani ya muda mfupi.

Tukio hilo lilipigwa chabo na paparazi wetu hivi karibuni maeneo ya Mikocheni, jijini Dar katika sherehe ya kuzaliwa kwa rafiki yao ambapo wawili hao walionekana wakifakamia pombe hizo kwa fujo huku wakiuita mchanganyo huo ‘cocktail’.
“Unajua ukitaka kulewa haraka usiogope pombe, wewe chukua kila aina ya pombe kali unapunguza katika glasi na kupata kitu kinachoitwa ‘cocktail’ kisha unatupia tumboni fasta unalewa,” alisema Baby Candy ambaye ghafla alipoteza netiweki.