SABABU ZA FLORA NA SHILOLE KUFUTA BIFU LAO LA MUDA MREFU

Kwa muda wa miezi kadhaa kumekuwepo na bifu kali kati ya waigizaji wawili wa filamu Tanzania yaani Zena Muhamed 'Shilole' pamoja na mwenzake Flora Mvungi. Kutokana na bifu hiyo kufukuta kwa muda mrefu, Flora Mvungi na Shilole wameamua kuongea na Hot Mix ya EATV ili kusahameana na kuanza upya safari yao ya maisha wakiwa huru kama walivyokuwa hapo kabla.

Flora Mvungi ambaye alikuwa mkosaji ameweka bayana kwamba, baada ya kukaa na kufikiria pamoja na kupata ushauri kutoka kwa ndugu, marafiki pamoja na mashabiki wake, ameamua kuchukua uamuzi na hatua ili amuombe Shilole msamaha kwa mambo ambayo aliyasema juu yake. Flora ameongeza kwamba ameamua kuomba msamaha kwa muda wa wiki mbili sasa siyo kwa Shilole tu bali hata kwa watu wengine ambao amewakwaza kwa namna moja ama nyingine.

"Unajua kwa sasa naelekea katika ndoa na nimeshakuwa mtu mzima sasa. Hivyo basi nataka niwe huru katika utu uzima wangu. Najua nlikosea na ndiyo maana nimeamua kuja kumuomba Shilole rafiki yangu msamaha ili tuishi kwa amani kama tulivyokuwa hapo awali" Flora alifafanua.

Shilole kwa upande wake amesema kwamba, haoni haja ya kuwa na bifu na rafiki yake na ndio maana baada ya kumuomba msamaha alipokea na kumuambia kwamba mpaka waende mbele za watu ambako Flora alitolea maneno ya kashfa. Hivyo basi wakaamua kutinga ndani ya kituo cha televission cha EATV ili kusameana na kuanza maisha mapya ya amani bila kinyongo kama walivyoishi awali.

Vilevile Shilole amedai kwamba, hajawahi kutoa maneno yoyote ya kashfa dhidi ya Flora tangia wafahamiane. Hiimimemfanya kumuambia Flora kama anahitaji msamaha wake lazima waende mbele ya jamii ili kuweka hadharani na jamii pamoja na mashabiki kwa ujumla wafahamu hali inayoendelea baina yao.

"Namuomba Flora kwamba, endapo atasikia jambo lolote ambalo linaweza kumchonganisha na watu, asijichukulie hatua bila kumuona mwenzake. Binadamu wala hila mbaya sana, kuna watu wanatunga maneno ili kuwakosanisha. Hivyo basi kabla hujachukua hatua, basi kamuulize mwenzako ili kama yanaweza kutatuliwa yatatulike" Shilole alimalizia na kumbusu rafiki yake.