MANENO YA MWANAMUZIKI RAMA DEE BAADA YA KUSKIA KAULI YA RUGE KWA JIDE:

Mimi ni mwanamuziki na ni mmoja kati ya watu waliosikiliza ‘’TAMKO’’ la bwana Ruge. Nimekuja kugundua kuwa Clouds kama kampuni haina bodi ya washauri (Board of advisers) kwasababu wangekuwepo wasingekubali au kumshauri Ruge kuongea maneno aliyoyaongea. Vile vile, director Joseph Kusaga ameonyesha kutokuwa na sauti dhidi ya Ruge. Ruge ni mtu ambaye amegundua udhaifu wa watanzania, na anatumia udhaifu huo kujinufaisha na kuendelea kuwakandamiza zaidi. Cha kusikitisha ni kwamba, baadhi ya wasanii hawajiamini na hawajitambui kwamba wanaweza kutoka kwa njia mbadala. Hebu tuangalie hii slogan ya ‘’The People’s station’’ (Redio ya watu). Binafsi natambua kuwa unaposema ‘’REDIO YA WATU’’ ina maana ya kwamba ni redio inayokidhi, kusikiliza,kuheshimu na kuthamini matakwa ya watu ambao ni WASIKILIZAJI. Leo amedhihirisha kwa watanzania jinsi alivyo mbinafsi na ambavyo hajali na kuthamini matakwa ya watanzania kwa kusitisha kupigwa bongo flavour siku nzima kwa maamuzi yake binafsi. Cha kushangaza muziki huo huo waliositisha kupiga leo ndio unaowaingizia kipato kupitia wadhamini. Nakuu ‘’Leo msipige bongo flavour kwa siku nzima, mimi ni BOSS’’ (Mutahaba, 2013-05-06).

Toa Maoni Yako Hapo Chini!